10th Tamil Unit 2 Short Answers

  10th Tamil Unit 2 
குறுவினா & சிறுவினா
Question & Answers 

Tamil Nadu State Board Text Books Solutions on New Syllabus 2020-21,  Samacheer Kalvi 10th Tamil Book Back Question and Answers, 10th Tamil  10th Tamil book back question and answer Solution guide Samacheer Kalvi 10th guide pdf free download 10th book back answer 10th standard Tamil unit 2 book back question and answer 10th standard Tamil unit 2 book back and the interior question and answer it's used for 10th students TET, TN TET, TNPSC, TN Poloce, SI, TRB, Post Office exam preparation students also can use

10th Tamil Unit 2 

குறுவினா & சிறுவினா

Question & Answers, 10th Tamil Unit 2 Book back | Interior Question & Answer 

10th Tamil Unit 2 Book back and Interior One Mark, Short Question & Answers, 10th Samacheer kalvi Tamil Book Back Question and answers, 10th tamil Solutions guide, Students can Download 10th Tamil Chapter 2 Questions and Answers, Summary, Notes, Samacheer Kalvi 10th Tamil Guide Pdf helps you to revise the complete Tamilnadu State Board New Syllabus, helps students complete homework, home test, home assignments,  assignments and to score high marks in board exams.

10th Tamil Unit 2 Book back | Interior Question & Answers 

• 10th New Text Book Free Downloaded
• 10th Free Online Test

10th Tamil Unit 2 

குறுவினா & சிறுவினா

Question & Answers, 10th Tamil Unit 2 Book back | Interior Question & Answer 

Tamilnadu Samacheer Kalvi 10th Tamil Solutions Unit 2 குறுவினா, சிறுவினா

Tamilnadu Samacheer Kalvi 10th Tamil Solutions Unit 2 

கேட்கிறதா என்குரல்!

குறுவினா, சிறுவினா

1. ‘நமக்கு உயிர் காற்று

காற்றுக்கு வரம் மரம் – மரங்களை

வெட்டி எறியாமல் நட்டு வளர்ப்போம்’

– இது போன்று உலகக் காற்று நாள் விழிப்புணர்வுக்கான இரண்டு முழக்கத் தொடர்களை எழுதுக.

உயிர்களின் சுவாசம் காற்று!

காற்றின் சுவாசம் மரம்!

தூய்மையை நேசிப்போம்!

தூய காற்றைச் சுவாசிப்போம்!

 

1. உயிராக நான், பல பெயர்களில் நான், நான்கு திசைகளிலும் நான், இலக்கியத்தில் நான், முந்நீர் நாவாய் ஓட்டியாக நான்……… முதலிய தலைப்புகளில் காற்று தன்னைப் பற்றிப் பேசுகிறது. இவ்வாறு ‘நீர்’ தன்னைப் பற்றிப் பேசினால் ……….. உங்களுடைய கற்பனையில் தலைப்புகளை எழுதுக.

• நானே! நீர்
• உலகில் முக்கால் பாகம் நான்
• நான் இல்லை என்றால் உலகம் இல்லை
• ஆதவனின் அணைப்பில் கருவுற்று
• மேகமாய் வளர்ந்து
• மழையாய் பிறப்பேன் நான்
• விண்ணிலிருந்து நான் விழுந்தால்
• என்னைக் கண்டு உலகம் சிரிக்கும்
• மலையில் விழுந்து
• நதியில் ஓடி
• கடலில் சங்கமிக்கும்
• சரித்திர நாயகன் நான்.

2. சோலைக் (பூங்கா) காற்றும் மின்விசிறிக் காற்றும் பேசிக்கொள்வதுபோல் ஓர் உரையாடல் அமைக்க.

மின் விசிறிக் காற்று : நண்பா! வா எங்கெல்லாம் சுற்றித் திரிந்து வருகிறாய்? என்னைப் போல் நிலையாக ஓரிடத்திலிருந்து வீசக் கூடாதா.

சோலைக்காற்று : நீ ஓரிடத்தில் இருந்து நிலையாக வீசினாலும் உன்னை இயக்க ஒருவர் தேவை. அது மட்டுமல்லாமல் நீ கொடுக்கும் வெப்பக்காற்றை மனிதர்கள் வேறு வழியின்றி பயன்படுத்துகின்றனர். மின்சாரம் தடைப் பட்டாலும் மனிதர்கள் உன்னை இயக்க முடியாது.

மின் விசிறிக் காற்று : மனிதர்கள் உன்னை விரும்புகிறார்களா?

சோலைக்காற்று : ஆம், நான் மக்களுக்குக் குளிர்ந்த காற்றைக் கொடுக்கிறேன். என்னிலிருந்து மின்சாரம் தயாரிக்கின்றனர். காற்றாலை மின் உற்பத்தியில் இந்தியா ஐந்தாம் இடத்திலும் தமிழகம் முதல் இடத்திலும் உள்ளது. புதுப்பிக்கக் கூடிய வளமான என்னைப் பயன்படுத்தி மின்னாற்றலை உருவாக்கும் போது நிலக்கரியின் தேவை குறைந்து கனிம வளங்கள் பாதுகாக்கப்படுகிறது.

மின் விசிறிக் காற்று : இத்தனை சிறப்புகள் கொண்ட உன்னை வைத்து ஒரு புது மொழியை உலகிற்குக் கூறப்போகிறேன்.

சோலைக்காற்று : அப்படியா! அப்புது மொழி யாது?

மின் விசிறிக் காற்று : “காற்றுள்ள போதே மின்சாரம் எடுத்துக் கொள்”.

குறுவினா

1. மூச்சுப்பயிற்சி குறித்துத் திருமூலர் கூறிய செய்தி யாது?

மூச்சுப்பயிற்சியே உடலைப் பாதுகாத்து வாழ்நாளை நீட்டிக்கும் என்று கூறியுள்ளார்.

2. காற்றைக் குறிக்கும் வேறு பெயர்கள் யாவை?

காற்று, வளி, தென்றல், புயல், சூறாவளி.

 

3. பருவநிலை, சூழல், வீசும் வேகம் ஆகியவற்றிற்கேற்ப காற்றிற்கு வழங்கப்படும் பல்வேறு பெயர்களைக் கூறு.

தென்றல் காற்று, பூங்காற்று, கடல் காற்று, பனிக்காற்று, வாடைக்காற்று, மேல் காற்று, கீழ்க்காற்று, மென் காற்று, இளந்தென்றல், புழுதிக்காற்று, ஆடிக்காற்று, கடுங்காற்று, புயல் காற்று, பேய்க்காற்று, சுழல் காற்று, சூறாவளிக்காற்று.

4. கிழக்குக் காற்று குறிப்பு வரைக. (அல்லது) கொண்டல் காற்று குறிப்பு வரைக.

கிழக்கிலிருந்து வீசும் காற்று கொண்டல் காற்று.

மழையைத் தருவதால் மழைக்காற்று என்றும் அழைக்கப்படுகிறது.

5. மேற்குக் காற்று குறிப்பு வரைக. (அல்லது) குடக்குக் காற்று குறிப்பு வரைக.

• மேற்கிலிருந்து அதிக வலிமையோடு வீசும்.
• வறண்ட நிலப்பகுதியிலிருந்து வீசுவதால் வெப்பக்காற்று அல்லது கோடைக்காற்று என அழைக்கப்படுகிறது.

 

6. வாடைக்காற்று குறிப்பு வரைக.

வடக்கிலிருந்து வீசும் காற்று வாடைக்காற்று.

பனிப்பகுதியிலிருந்து வீசுவதால் குளிர்ச்சியான ஊதைக்காற்று எனவும் அழைக்கப் படுகிறது.

7. தென்றல் காற்று குறிப்பு வரைக.

தெற்கிலிருந்து வீசும் காற்று தென்றல் காற்று.

மரம், செடி, கொடி, ஆறு, மலை, பள்ளத்தாக்கு எனப் பல தடைகளைத் தாண்டி வருவதால் வேகம் குறைந்து இதமான காற்றைத் தருகிறது.

8. நாற்றிசையின் பெயர்களையும் அவற்றின் வேறு பெயர்களையும் எழுது. திசைகள்

 

 

9. காற்று குறித்து சிலப்பதிகாரத்தில் இளங்கோவடிகள் கூறிய செய்தி யாது?

தென்றல் காற்று பலவித மலர்களின் நறுமணத்தை அள்ளி வருகிறது; கூடவே வண்டுகளையும் அழைத்து வருகிறது என இளங்கோவடிகள் கூறியுள்ளார்.

10. இருவகைப் பருவக்காற்றுகள் யாவை?

தென்மேற்குப் பருவக்காற்று, வடகிழக்குப் பருவக்காற்று.

11. தென்மேற்குப் பருவக்காற்று குறிப்பு வரைக.

• ஜூன் முதல் செப்டம்பர் வரை தென்மேற்குப் பருவக்காற்றுக் காலம்.
• இவை மழைப்பொழிவினைத் தருகின்றன.
• இந்தியாவிற்குத் தேவையான எழுபது விழுக்காடு மழையினை இப்பருவக்காற்று மூலம் பெறுகிறோம்.

12. காற்று மாசடைவதினால் ஏற்படும் நோய்கள் யாவை?\

கண் எரிச்சல், தலைவலி, தொண்டைக்கட்டு, காய்ச்சல், நுரையீரல் புற்றுநோய், இளைப்பு நோய், மூளை வளர்ச்சிக் குறைவு.

 

13. ஓசோன் படலத்தின் பயன்களைக் கூறு.

• கதிரவனிடமிருந்து வெளிவரும் புறஊதாக் கதிர்களைத் தடுக்கிறது.
• புவியைப் போர்வை போலச் சுற்றி கதிரவனின் வெப்பத்தைக் குறைத்துக் கொடுக்கிறது.

14. ஓசோன் படலத்தில் உருவான ஓட்டையினால் ஏற்படக்கூடிய தீமைகள் யாவை?

புறஊதாக் கதிர்கள் நேரடியாக உயிரினங்களைத் தாக்குவதால் மிகுந்த துன்பத்தை உயிரினங்கள் அடைகின்றன.

கண்களும் தோலும் பாதிப்படைகின்றன.

15. அமில மழை எவ்வாறு பெய்கிறது?

காற்றில் கலந்துவிடும் கந்தக டை ஆக்சைடு, நைட்ரஜன் டை ஆக்சைடு ஆகியவை மழை பெய்யும் போது நீரில் கரைந்து அமில மழையாகப் பெய்கிறது.

16. அமில மழையினால் ஏற்படக்கூடிய தீமைகள் யாவை?

மண், நீர், கட்டடங்கள், காடுகள், நீர்வாழ் உயிரினங்கள் மிகுந்த துன்பத்திற்குள்ளாகின்றன.

 

17. குளோரோ புளோரோ கார்பன் குறிப்பு வரைக.

குளிர்ப்பதனப் பெட்டியிலிருந்து வெளிவரும் நச்சுக்காற்று குளோரோ புளோரோ கார்பன் . • குளோரோ புளோரோ கார்பனின் ஒரு மூலக்கூறு, ஒரு இலட்சம் ஓசோன் மூலக்கூறுகளைச் சிதைத்துவிடும்.

18. காற்று மாசடைதலைத் தவிர்க்கும் வழிகளைக் கூறுக.

• மேம்பட்ட குப்பை மேலாண்மையை மேற்கொள்ளுதல்.
• பொதுப் போக்குவரத்துக்கு முன்னுரிமை அளித்தல்.
• மின்னாற்றலால் இயங்கும் ஊர்திகளை மிகுதியாகப் பயன்படுத்துதல்.
• புதை வடிவ எரிபொருட்களைத் (கச்சா எண்ணெய், நிலக்கரி) தவிர்த்தல்.
• சமையலுக்கு விறகுகளைப் பயன்படுத்தாமை.

 

19. ஹிப்பாலஸ் பருவக்காற்றின் பயன்களைக் கூறு.

• புதிய கடல்வழி ஏற்படக் காரணமானது.
• கிரேக்கம் – முசிறிக்கு விரைவான கடல் பயணம்.
• யவனக் கடல் வணிகம் பெருகியது.

20. பருவக்காற்று எவ்வாறு உருவாகிறது?

கதிரவனின் வெப்பத்தால் அடர்த்தி குறைந்து மேலே செல்லும் காற்றானது அங்கு ஏற்பட்ட வெற்றிடத்தை நிரப்பி பருவக்காற்றாகிறது.

21. காற்றாலையின் பயன்களைக் கூறு.

மின்னாற்றலை உற்பத்தி செய்தல்.

நிலக்கரியின் தேவை குறைத்து கனிம வளம் பாதுகாக்கப்படல்.

22. காற்றின் ஆற்றல், வேகம் இலக்கியங்களில் எவ்வாறு குறிப்பிடப்படுகின்றன?

 காற்றின் ஆற்றலை, வளி மிகின் வலி இல்லை (புறம் 51) என்று ஐயூர் முடவனார் சிறப்பித்துள்ளார்.

காற்றின் வேகத்தை, கடுங்காற்று மணலைக் கொண்டு வந்து சேர்க்கிறது என்று மதுரை இளநாகனார் குறிப்பிட்டுள்ளார்.

 

23. இளங்கோவடிகள் தாம் இயற்றிய சிலப்பதிகாரத்தில் தென்றலை எவ்வாறு நயம்பட உரைக்கிறார்?

தென்றலானது பலவித மலர்களின் நறுமணத்தை அள்ளி வருகிறது.

அவ்வாறு வரும்போது கூடவே வண்டுகளையும் அழைத்து வருகிறது.

10th Tamil Unit 2 

குறுவினா & சிறுவினா

Question & Answers, 10th Tamil Unit 2 Book back | Interior Question & Answer 

சிறுவினா

1. ஹிப்பாலஸ் பருவக்காற்று குறிப்பு வரைக.

• கி.பி. முதல் நூற்றாண்டில் வாழ்ந்த கிரேக்க மாலுமி ஹிப்பாலஸ்.
• இவர் பருவக்காற்றின் உதவியால் முசிறித் துறைமுகத்திற்குப் புதிய வழியைக் கண்டுபிடித்தார்.
• விரைவான பயணத்திற்கு இப்புதிய வழி உதவியதால் யவனக் கப்பல்கள் சேரர்களின் முசிறித் துறைமுகத்திற்கு அதிகமாக வந்தன. (கிரேக்கரும் உரோமானியரும் யவனர் ஆவர்) ‘
• யவனர் இப்பருவக்காற்றிற்கு அதைக் கண்டுபிடித்த ஹிப்பாலஸ் பெயரையே சூட்டினர்.

2. பருவக்காற்றின் வகைகளைக் கூறி விளக்குக.

கதிரவனின் வெப்பத்தால் சூடாகி அடர்த்தி குறைந்து மேலே செல்லும் காற்று அங்குள்ள வெற்றிடத்தை நிரப்பி பருவக்காற்றாகிறது.

பருவக்காற்றின் வகைகள் : தென்மேற்குப் பருவக்காற்று, வடகிழக்குப் பருவக்காற்று என இரு வகைப்படும்.

 

தென்மேற்குப் பருவக்காற்று :

• ஜூன் முதல் செப்டம்பர் வரை வீசும்.
• இந்தியாவிற்குத் தேவையான எழுபது விழுக்காடு மழையளவினைத் தருகிறது.
• வடக்கிழக்குப் பருவக்காற்று :
• அக்டோபர் முதல் டிசம்பர் வரை வீசும்.
• இந்தியாவின் முதுகெலும்பான வேளாண்மை சிறக்கிறது.
• நாடு உணவு உற்பத்தியில் தன்னிறைவு பெற உதவுகிறது.

3. காற்றின் பயன்கள் யாவை?

• உயிர்வளி தந்து உயிர்களைக் காக்கிறது.
• தாவரங்கள் ஒளிச்சேர்க்கை மூலம் உணவை உற்பத்தி செய்ய உதவுகிறது.
• விதைகளைப் பல இடங்களுக்குப் பரப்புகிறது.
• உயிர்ச் சங்கிலித் தொடர் அறுபடாதிருக்க உதவுகிறது.
• நவீன தொலைத்தொடர்பின் மையமாக விளங்குகிறது.
• காற்றாலை மூலம் மின்னாற்றலைப் பெறுகிறோம்.

4. காற்று குறித்து இலக்கியத்தில் சொல்லப்பட்ட செய்திகள் யாவை?

தென்றலானது மலர்களின் நறுமணத்தை அள்ளி வரும் போது வண்டுகளையும் அழைத்து வருகிறது என்று சிலப்பதிகாரத்தில் இளங்கோவடிகள் உரைத்துள்ளார்.

பலபட்டடைச் சொக்கநாதப் புலவர் இயற்றிய பத்மகிரிநாதர் தென்றல் விடு தூதுவில் “தமிழும் குளிர்ச்சியான பொருநை நதியும் சேரும் செந்தமிழ் மலையின் பின் தோன்றிய தென்றலே” என்று பெண்ணொருத்தி தென்றலைத் தூது செல்வதற்காக அழைக்கிறாள்.

சங்ககாலப் பெண் புலவர் வெண்ணிக்குயத்தியார் கரிகால் பெருவளத்தானைப் புகழ்ந்து பாடிய பாடலில் ‘வளி’ எனக் குறிப்பிட்டுச் சிறப்பித்துள்ளார்.

10th Tamil Unit 2 

குறுவினா & சிறுவினா

Question & Answers, 10th Tamil Unit 2 Book back | Interior Question & Answer 

காற்றை வா!

குறுவினா

1. வசன கவிதை – குறிப்பு வரைக.

• உரைநடையும் கவிதையும் இணைந்து யாப்புக் கட்டுகளுக்கு அப்பாற்பட்டு உருவாக்கப்படும்.
• கவிதை வடிவம் வசன கவிதை எனப்படும்.
• ஆங்கிலத்தில் Prose Poetry என்பர்.
• தமிழில் பாரதியார் இதனை அறிமுகம் செய்தார்.

சான்று :

இவ்வுலகம் இனியது, இதிலுள்ள வான் இனிமை

யுடையது காற்றும் இனிது – பாரதியார்

குறுவினா

1. பாரதியாரின் படைப்புகள் சிலவற்றைக் கூறு.

கண்ணன் பாட்டு, குயில் பாட்டு, பாப்பா பாட்டு, பாஞ்சாலி சபதம், புதிய ஆத்திசூடி.

2. பாரதியார் எவ்வாறெல்லாம் பாராட்டப்பட்டார்?

நீடுதுயில் நீக்கப் பாடி வந்த நிலா, சிந்துக்குத் தந்தை, பாட்டுக்கொரு புலவன், மகாகவி, கலைமகள்.

 

3. பாரதியாரின் பன்முகங்கள் யாவை?

கவிஞர், கட்டுரையாளர், சிறுகதை, ஆசிரியர், இதழாசிரியர், கேலிச்சித்திரங்கள், கருத்துப்படங்களை உருவாக்குபவர்.

4. பாரதியார் இதழாசிரியராகப் பணியாற்றிய இதழ்களின் பெயர்களை எழுது.

இந்தியா, சுதேசமித்திரன்.

5. ‘காற்றே வா’ பாடலில் இடம் பெற்றுள்ள இயைபுச் சொற்களைக் கூறு.

பாடுகிறோம், கூறுகிறோம், வழிபடுகின்றோம்.

 

6. காற்றிடம் எதனைக் கொண்டுவந்து கொடுக்குமாறு பாரதியார் வேண்டுகிறார்?

மகரந்தத்தூளைச் சுமந்து, மனதை மயக்கும் வாசனையுடன், இலைகள் மற்றும் நீரலைகள்மீது உராய்ந்து மிகுந்த உயிர்வளியைக் கொண்டு வந்து கொடுக்குமாறு காற்றிடம் பாரதியார் வேண்டுகிறார்.

7. எப்படி வீசுமாறு காற்றைப் பாரதியார் பணிக்கிறார்?

காற்றை மெதுவாக, நல்ல முறையில் சீராக, நீண்டகாலம் நின்று வீசிக் கொண்டிருக்குமாறு பாரதியார் பணிக்கிறார்.

8. “உனக்குப் பாட்டுகள் பாடுகின்றோம்.

உனக்குப் புகழ்ச்சிகள் கூறுகிறோம்

உன்னை வழிபடுகின்றோம்” – என்று யார் யாரிடம் கூறுகின்றார்?

பாரதியார், காற்றிடம் கூறுகின்றார்.

 

சிறுவினா

1. ‘காற்றே வா’ பாடலில் பாரதியார் கூறும் செய்தி யாது?

• மகரந்தத்தூளைச் சுமந்து கொண்டு மனதை மயங்கச் செய்கின்ற வாசனையுடன் வா.
• இலைகளின் மீதும், நீரலைகளின் மீதும் உராய்ந்து வா.
• உயிர்வளியைக் கொடு. ஆனால் பேய்போல் வீசி உயிராகிய நெருப்பை அணைத்து விடாதே
• நீடித்து நின்று நன்றாக வீசு, உன் சக்தி குறைத்து எம் உயிரை அவித்து விடாதே!
• உம்மை நாம் பாடுகிறோம், புகழ்கிறோம், வழிபடுகிறோம் என்றெல்லாம் பாரதி, காற்றே வா’ என்ற பாடலில் பாடுகிறார்.

 

2. மகாகவி பாரதியார் குறிப்பு வகை.

பெயர் : மகாகவி சுப்பிரமணிய பாரதியார்

பெற்றோர் : சின்னசாமி – இலக்குமி அம்மையார்

பாராட்டுகள் : ‘சிந்துக்குத் தந்தை’, ‘பாட்டுக்கொரு புலவன் பாரதி’

பணி : ஆசிரியர், இதழாசிரியர், சிறுகதை ஆசிரியர்.

படைப்புகள் : கண்ணன் பாட்டு, குயில் பாட்டு, பாப்பாப்பாட்டு, பாஞ்சாலி சபதம், புதிய ஆத்திசூடி.

பணியாற்றிய இதழ்கள் : இந்தியா, சுதேசமித்திரன்.

 

3. புதுக்கவிதை என்ற வடிவம் உருவாகக் காரணம் யாது?

• உரைநடையும் கவிதையும் இணைந்து யாப்பிலக்கணத்திற்கு அப்பாற்பட்டு உருவாக்கப்படும் கவிதை வடிவம் ‘வசன கவிதை’ ஆகும்.
• ஆங்கிலத்தில் prose poetry (free verse) என்றழைக்கப்படும் இவ்வடிவம் பாரதியாரால் தமிழில் அறிமுகப்படுத்தப்பட்டது.
• உணர்ச்சி பொங்கக் கவிதை படைக்கும் இடங்களில் யாப்பு, தடையாக இருப்பதை உணர்ந்த பாரதியார் வசனகவிதை வடிவத்தைக் கையாண்டார்.
• இந்த வசன கவிதையே புதுக்கவிதை’ என்ற வடிவம் உருவாகக் காரணமாயிற்று.

முல்லைப்பாட்டு

குறுவினா

1. பெற்றோர் வேலையிலிருந்து திரும்பத் தாமதமாகும் போது அழும் தம்பிக்கு நீங்கள் கூறும் ஆறுதல் சொற்களை எழுதுக.

தம்பி அழாதே! அப்பாவும் அம்மாவும் விரைவில் வந்து விடுவார்கள். வரும்போது உனக்கு விளையாட்டுப் பொருட்களை வாங்கிக் கொண்டு வருவார்கள்.

குறுவினா

1.முல்லைப்பாட்டு நூல் குறிப்பு வரைக.

• பத்துப்பாட்டு நூல்களுள் ஒன்று.
• 103 பாடல் அடிவரையறை கொண்டது.
• ஆசிரியப்பாவால் இயற்றப்பட்டது.
• முல்லை நிலத்தைப் பற்றிப் பாடப்பட்டது.
• பத்துப்பாட்டில் மிகக் குறைந்த அடிகளைக் கொண்ட நூல்.

2. நப்பூதனார் குறிப்பு வரைக.

முல்லைப்பாட்டைப் பாடியவர்.

காவிரிப்பூம்பட்டினத்துப் பொன்வணிகனார் மகனாவார்.

3. விரிச்சி கேட்டல் என்றால் என்ன?

• ஏதேனும் ஒரு செயல் நன்றாக முடியுமோ? முடியாதோ? என ஐயம் கொண்ட பெண்கள், மக்கள் நடமாட்டம் குறைவான ஊர்ப்பக்கத்தில் போய்,
• தெய்வத்தைத் தொழுது நிற்பர். அயலார் பேசும் சொல்லைக் கூர்ந்து கேட்பர்.
• அவர்கள் நல்ல சொல்லைக் கூறின் தம் செயல் நன்மையில் முடியும்.
• தீய மொழியைக் கூறின் தம் செயல் தீயதாய் முடியும் என்று எண்ணுவர்.

4. இளங்கன்று வருந்தக் காரணம் யாது?

சிறு தாம்புக் கயிற்றால் கட்டப்பட்ட இளங்கன்று பசியால் வாடிக் கொண்டிருந்தது.

 

5. இளங்கன்றின் வருத்தத்தைப் போக்க இடைமகள் கூறிய செய்தி யாது?

புல்லை மேய்ந்த உன் தாய்மாரை வளைந்த கத்தியை உடைய கம்பைக் கொண்ட எம் இடையர் இப்போது ஓட்டி வந்துவிடுவர் – வருந்தாதே.

6. தலைவியை முதுபெண்டிர் எவ்வாறு ஆற்றுப்படுத்தினர்?

நின் தலைவன் பகைவரை வென்று திரைப்பொருளோடு வருவான்.

தலைவியே! மனத்தடுமாற்றம் கொள்ளாதே.

7. முல்லைப்பாட்டில் திருமால் குறித்து கூறப்பட்ட செய்தி யாது?

வலம்புரிச்சங்கு பொறித்த கைகளை உடையவன் திருமால்

குறுகிய வடிவம் எடுத்தவன்.

மாவலி மன்னன் நீர்வார்த்துத் தரும்போது மண்ணுக்கும் விண்ணுக்குமாகப் பேருருவம் எடுத்தவன்.

8. மழைப்பொழிவு குறித்து முல்லைப் பாட்டில் கூறப்பட்டுள்ள செய்தி யாது?

• ஒலிக்கும் கடலின் குளிர்நீரைப் பருகி பெருந் தோற்றம் கொண்டது மேகம்.
• அம்மேகமானது வலமாய் எழுந்தது.
• மலையைச் சூழ்ந்தது.
• விரைந்த வேகத்துடன் பெருமழையைப் பொழிந்தது.

 

9. முதிய பெண்கள் (முதுபெண்டிர்) தெய்வத்தை எவ்வாறு தொழுது நின்றனர்?

முல்லைப் பூக்களோடு நாழி அளவு நெல்லையும் சேர்த்து தெய்வத்தின் முன் தூவினர்.

தெய்வத்தைத் தொழுது தலைவிக்காக நற்சொல் கேட்டு நின்றனர்.

10. பொழுது எத்தனை வகைப்படும்? அவை யாவை?

பொழுது இரண்டு வகைப்படும். அவை: பெரும் பொழுது, சிறு பொழுது.

 

11. முல்லை நிலத்திற்குரிய பொழுதுகள் எவை?

பெரும் பொழுது – கார்காலம் (ஆவணி, புரட்டாசி) சிறு பொழுது – மாலை

12. முல்லைப்பாட்டில் இடம்பெற்றுள்ள கருப்பொருளைக் கூறுக.

நீர் – குறுஞ்சுனை நீர், காட்டாறு

மரம் – கொன்றை, காயா, குருந்தம்

பூ – முல்லை , பிடவம், தோன்றிப்பூ

சிறுவினா

1. முல்லைப்பாட்டு குறிப்பிடும் மாலைக்கால செய்தி யாது?

• துன்பத்தைத் தருகின்ற மாலைப் பொழுதில் முதிய பெண்கள் காவலையுடைய ஊர்ப்பக்கம் சென்றனர்.
• யாழிசை போன்று ஒலிக்கும் வண்டுகள் சூழ்ந்து ஆரவாரிக்கும் நறுமணம் கொண்ட அரும்புகள்.
• மலர்ந்த முல்லைப் பூக்களோடு நெல்லையும் சேர்த்துத் தெய்வத்தின் முன் தூவுவர்.
• தெய்வத்தைத் தொழுது தலைவிக்காக நற்சொல் கேட்டு நிற்பர்.

 

2. முதுபெண்டிர் விரிச்சி கேட்டு தலைவிக்குக் கூறிய செய்தி யாது?

இளங்கன்றின் பசி :

• சிறு தாம்புக் கயிற்றால் கட்டப்பட்ட இளங்கன்று பசியால் வாடிக்கொண்டிருந்தது.
• அதன் வருத்தத்தை ஓர் இடைமகள் கண்டாள்.
• புல்லை மேய்ந்த உன் தாயாரை வளைந்த கத்தியுடைய கம்பைக் கொண்ட எம் இடையர் இப்போதுஓட்டி வந்துவிடுவர் வருந்தாதே என்றாள் இடைமகள்.
• நற்சொல்லைக் கேட்டோம் :
• இடைமகளது நற்சொல்லை நாங்கள் கேட்டோம்.
• தலைவன் திறைப்பொருளோடு வருவது உறுதி.

3. மழை மேகம் – மழைப் பொழிவு குறித்து முல்லைப்பாட்டு எவ்வாறு வருணித்துள்ளது?

மழை மேகம் :

• வலம்புரிச் சங்கு பொறித்த கைகளையுடையவன் திருமால்.
• மாவலி மன்னன் நீர் வார்த்துத் தரும்போது விண்ணுக்கும் மண்ணுக்குமாய் பேருருவம் எடுத்தவன் திருமால்.
• அப்பேருருவத்தைப் போன்றுள்ளது மழை மேகம்.
• மழைப் பொழிவு :
• பேருருவம் கொண்ட மேகமானது வலமாய் எழுந்தது.
• மலையைச் சூழ்ந்தது.
• விரைந்த வேகத்துடன் பெருமழையைப் பொழிந்தது.

 10th Tamil Unit 2 

குறுவினா & சிறுவினா

Question & Answers, 10th Tamil Unit 2 Book back | Interior Question & Answer 

புயலிலே ஒரு தோணி

சிறுவினா

1. மழை நின்றவுடன் புலப்படும் காட்சியை வருணித்து எழுதுக.

குறிப்பு : இலைகளில் சொட்டும் நீர் – உடலில் ஓடும் மெல்லிய குளிர் – தேங்கிய குட்டையில் ‘சளப் தளப்’ என்று குதிக்கும் குழந்தைகள் – ஓடும் நீரில் காகிதக் கப்பல்.

 தேனடையிலிருந்து விழும் தேன் துளியைப் போல சில மணித்துளிகளுக்கு ஒரு முறை நீர் சொட் சொட்’ என விழுந்தது.

விரும்பத்தக்க தென்றலைப் போலவும் மயிலிறகின் வருடல் போலவும் மெல்லிய குளிர் உடலில் ஓடும்.

நீர் உள்ள தடாகத்திலே பல வகையான மீன்களும் தவளைகளும் தாவிக்குதிக்கும் போது ஏற்படும் ஓசையை ஒத்த ‘சளப் தளப்’ என்ற சத்தத்துடன் தேங்கிக் கிடந்த நீர்க் குட்டையில் குழந்தைகள் குதித்து விளையாடி மகிழ்ந்தனர்.

அமைதியான நீரோட்டம் கொண்ட நதியானது இழுத்து வரும் சிறுசிறு கட்டை மற்றும் இதர பொருட்கள் போல குழந்தைகள் ஓடும் நீரில் காகிதக் கப்பல்களை விட்டு மகிழ்ந்தனர்.

தொகைநிலைத் தொடர்கள்

மொழியை ஆள்வோம்

தமிழில் மொழிபெயர்த்துத் தலைப்பிடுக.

The Golden sun gets up early in the morning and starts its bright rays to fade away the dark. The milky clouds start their wandering. The colourful birds start twitting their morning melodies in percussion. The cute butterflies dance around the flowers. The flower’s fragrance fills the breeze. The breeze gently blows everywhere and makes everything pleasant.

Answer:

இயற்கை

பொன்னான கதிரவன் நாள்தோறும் காலையில் எழுந்து அதன் ஒளிக்கதிர்களை வீசி, இருளை மறையச் செய்யும், பால் போன்ற மேகங்கள் சுற்ற ஆரம்பித்துவிடும். வண்ணப் பறவைகள் இதமான சூழ்நிலையைத் தன் இறகுகளை அடிப்பதன் மூலம் உருவாக்கும். அழகான வண்ணத்துப் பூச்சி மலர்களைச் சுற்றி ஆடும். பூக்களின் நறுமணம் தென்றல் காற்றை நிரப்பும். அந்தக் காற்று அனைத்து

இடங்களிலும் பரவி ஒரு புத்துணர்வான சூழ்நிலையை உருவாக்கும்.

சொற்களில் மறைந்துள்ள தொகைகளை அடையாளம் கண்டு தொடரில் அமைக்க.

இன்சொல், எழுகதிர், கீரிபாம்பு, பூங்குழல் வந்தாள், மலை வாழ்வார், முத்துப்பல்

எ.கா: இன்சொல் – பண்புத்தொகை

இனிமையான சொல் கூறுதல் சான்றோர்க்கு அழகு.

1. எழுகதிர் – வினைத்தொகை

மனித வாழ்க்கை எழுகதிர் போன்றது.

2. கீரிபாம்பு – உம்மைத்தொகை

கலாவும் மாலாவும் கீரியும் பாம்பும் போல எப்பொழுதும் பகைமையோடு வாழ்கின்றனர்.

3. பூங்குழல் வந்தாள் – அன்மொழித்தொகை

பூ போன்ற கூந்தலையுடைய (குழல்) பெண் வந்தாள்

4. மலை வாழ்வார் – ஏழாம் வேற்றுமைத் தொகை

குறிஞ்சி நில மக்கள் மலையின் கண் வாழ்வார்.

5. முத்துப்பல் – உவமைத்தொகை

மாலாவின் முத்துப்பல் மேலும் அவளுக்கு அழகு சேர்க்கிறது.

 

செய்திகளைப் படித்து வினாக்களுக்கு விடை எழுதுக.

பூக்களைப் பற்றிய அரிய இலக்கியச் செய்திகள்

பூ உண்டு, ஆனால் கண்ணிற்குக் காட்சி தராமல் காண்பதற்கு அரியனவாய் இருக்கும் மலர்கள், ஆல மலர்; பலா மலர்.

மலர் உண்டு; பெயரும் உண்டு; ஆனால் இதுதான் அது என்று உறுதியாக அறிய இயலாதுள்ள நிலையில் இருக்கும் மலர்கள் : சுள்ளி மலர், பாங்கர் மலர்.

அகவிதழ் முதலிய உறுப்புகள் இருந்து அவை புறத்தே காட்சிப்படாமல் உள்ளேயே பொதிந்திருக்கும் மலர்கள் : அத்தி, ஆலம், கொழிஞ்சி, பலா.

பயன்பாடு, நாற்றம், மக்களது விருப்பில் இடம் பெறாமை, பொதுவில் ஒதுக்கப்பட்டமை கொண்டு மலரில் சில எளியவை ஆகின்றன. அவையாவன : நெருஞ்சி, எருக்கு, பூளை, குரீஇப் பூளை, வேளை, ஊமத்தம், கள்ளி, முருங்கை.

இலுப்பைப் பூக்கள் இனிப்பானவை. கரடிகள் மரத்தின் மீதேறி அவற்றைப் பறித்து உண்ணும். பாதிரிப் பூ குடிநீருக்குத் தன் மணத்தை ஏற்றும். மூங்கில் பூவில் காய் தோன்றிக் கனியாகி அதிலிருந்து ஒருவகை அரிசி தோன்றும். இது மூங்கில் அரிசி எனப்படும்.

– கோவை. இளஞ்சேரன்.

 

1. மலர் உண்டு; பெயரும் உண்டு – இரண்டு தொடர்களையும் ஒரு தொடராக்குக.

மலருக்குப் பெயர் உண்டு.

2. அரும்பாகி மொட்டாகிப் பூவாகி…. என்பதை ஒத்து அமைந்துள்ள தொடரைக் கண்டறிக.

அகவிதழ் முதலிய உறுப்புகள் இருந்து அவை புறத்தே காட்சிப்படாமல் உள்ளேயே பொதிந்திருக்கும் மலர்கள்.

3. நீங்கள் அறிந்த இரு பூக்களின் பெயர்களையும் அதன் பயன்களையும் எழுதுக.

முருங்கைப்பூ:

இப்பூவைக் கசாயம் செய்து வாரம் இருமுறை குடிக்கவும். குடித்துவர நீரழிவு நோய், நரம்புத்தளர்ச்சி நோய் நீங்கும். நினைவு ஆற்றல் பெருகும்.

எருக்கம் பூ:

எருக்கம் பூவைக் காய வைத்து பொடி செய்து புண்களில் பூச விரைவில் குணமாகும். கால் வீக்கம் குறைய இப்பூவை எண்ணெயில் வதக்கிக் கட்ட வீக்கம் நீங்கும்.

 

4. அரிய மலர் – இலக்கணக் குறிப்புத் தருக.

குறிப்புப் பெயரெச்சம்

5. தொடரில் பொருந்தாப் பொருள் தரும் மயங்கொலி எழுத்துகளைத் திருத்துக.

இலுப்பைப் பூக்கள் இனிப்பானவை. கரடிகள் மறத்தின் மீதேறி அவற்றைப் பரித்து உண்ணும். பாதிரிப் பூ குடிநீருக்குத் தன் மனத்தை ஏற்றும். இலுப்பைப் பூக்கள் இனிப்பானவை, கரடிகள் மரத்தின் மீதேறி அவற்றைப் பறித்து உண்ணும். பாதிரிப்பூ குடிநீருக்குத் தன் மணத்தை ஏற்றும்.

வாழ்த்துமடல் எழுதுக.

மாநில அளவில் நடைபெற்ற “மரம் இயற்கையின் வரம்” எனும் தலைப்பிலான கட்டுரைப் போட்டியில் வெற்றி பெற்று முதல் பரிசு பெற்ற தோழனை வாழ்த்தி மடல் எழுதுக.

                                                                                                திருநெல்வேலி,

                                                                                                12-03-2020.

அன்புள்ள நண்பன் அரசுக்கு,

உன் உயிர் நண்பன் எழுதுவது. நலம் நலமறிய ஆவல்,

நேற்றைய நாளிதழில் ‘மரம் இயற்கையின் வரம்’ என்ற தலைப்பில் மாநில அளவில் நடைபெற்ற கட்டுரைப் போட்டியில் பங்குகொண்டு முதல் பரிசு பெற்றதைக் கண்டு மகிழ்ச்சிக் கடலில் மூழ்கினோம். நாளிதழிலும் அக்கட்டுரை வெளிவந்திருந்தது. அதனைப் படித்துப் பார்த்தோம்.

 

என்று நீ எழுதிய சொற்கள் விழிப்படையச் செய்துவிட்டது. நாங்களும் எங்கள் பகுதியில் மரங்களை நட்டு இயற்கை வளத்தைப் பாதுகாக்கும் செயல்களில் ஈடுபட ஆரம்பித்து விட்டோம்.

நீயும் இதுபோன்ற பல்வேறு போட்டிகளில் பங்குகொண்டு உலகளாவிய சாதனைகளைப் பெற்று வீட்டுக்கும் நாட்டுக்கும் பெருமைத் தேடித்தர மனதார உன்னை வாழ்த்துகிறேன்.

                                                                               இப்படிக்கு,

                                                                      உன் உயிர் நண்பன்,

                                                                                   க. மணி .

 

பாரதியின் வசனநடை – சிட்டுக்குருவி

சிறியதானியம் போன்ற மூக்கு; சின்னக்கண்கள்; சின்னத்தலை; வெள்ளைக் கழுத்து; அழகிய மங்கல வெண்மை நிறமுடைய பட்டுப்போர்த்த வயிறு; கருமையும் வெண்மையும் கலந்த சாம்பல் நிறத்தாலாகிய பட்டுப்போர்த்த முதுகு; சிறிய தோகை; துளித்துளிக் கால்கள்; இத்தனையும் சேர்த்து ஒரு பச்சைக் குழந்தையின் கைப்பிடியிலே பிடித்து விடலாம். இவ்விதமான உடலைச் சுமந்து கொண்டு என் வீட்டிலே இரண்டு உயிர்கள் வாழ்கின்றன. அவற்றில் ஒன்று ஆண் மற்றொன்று பெண்.

இது போன்று உங்களுக்குப் பிடித்த ஏதேனும் ஒன்றைப் பற்றி வசனநடையில் எழுதுக.

 

மயில்

உறுதி மிக்க மூக்கு; விதையொத்த கண்கள்; சின்னத்தலை; கரும்பச்சை மற்றும் கருநீல நிறமுடைய பட்டுப்போர்த்த வயிறு; கருமை, சாம்பல் மற்றும் செந்நிறம் கலந்த பட்டுப்போர்த்த முதுகு; நீண்ட அழகிய பல வண்ணத்தாலான தோகை; பனங்கிழங்கையொத்த கால்கள்; இத்தனையும் சேர்த்து ஒருவர் கையிலே பிடிப்பது மிகவும் அரிது. இவ்விதமான உடலைச் சுமந்து கொண்டு என் வீட்டுத் தோட்டத்திற்கு இரண்டு, உயிர்கள் வந்து போகின்றன. அவற்றில் ஒன்று ஆண் மயில் மற்றொன்று பெண் மயில்

மொழியோடு விளையாடு

சொல்லைக் கண்டுபிடித்துப் புதிரை விடுவிக்க.

1. முதல் இரண்டை நீக்கினாலும் வாசனை தரும்; நீக்காவிட்டாலும் வாசனை தரும்.

நறுமணம்

2. பழமைக்கு எதிரானது – எழுதுகோலில் பயன்படும்.

புதுமை

 

3. இருக்கும்போது உருவமில்லை – இல்லாமல் உயிரினம் இல்லை.

காற்று

4.நாலெழுத்தில் கண் சிமிட்டும் – கடையிரண்டில் நீந்திச் செல்லும்.

விண்மீன்

5. ஓரெழுத்தில் சோலை – இரண்டெழுத்தில் வனம்.

காடு

கலைச்சொல் அறிவோம்

• Storm – புயல்
• Tempest – பெருங்காற்று
• Sea Breeze – கடற்காற்று
• Tornado – சூறாவளி
• Land Breeze – நிலக்காற்று
• Whirlwind – சுழல்காற்று

குறுவினா

1. தண்ணீர் குடி, தயிர்க்குடம் ஆகிய தொகைச்சொற்களை விரித்து எழுதுக. தொடரில் அமைக்க.

தண்ணீ ர் குடி

தண்ணீரைக் குடி (இரண்டாம் வேற்றுமைத் தொகை)

மிகுந்த தாகத்தினால் தண்ணீரைக் குடித்தேன்.

தயிர்க்குடம்

தயிரை உடைய குடம் (இரண்டாம் வேற்றுமை உருபும் பயனும் உடன் தொக்கத் தொகை)

கமலா தயிர்க்குடத்திலிருந்து தயிரை ஊற்றினாள்.

 

சிறுவினா

1. தோட்டத்தில் மல்லிகைப்பூ பறித்த பூங்கொடி, வரும் வழியில் ஆடுமாடுகளுக்குத் தண்ணீர்த் தொட்டியில் குடிநீர் நிரப்பினாள். வீட்டினுள் வந்தவள் சுவர்க்கடிகாரத்தில் மணி பார்த்தாள்.

இப்பகுதியில் உள்ள தொகைச் சொற்களின் வகைகளைக் குறிப்பிட்டு விரித்து எழுதுக.

மல்லிகைப்பூ

இரு பெயரொட்டுப் பண்புத்தொகை.

மல்லிகை என்னும் பூ (மல்லிகை – சிறப்புப் பெயர், பூ – பொதுப் பெயர்)

பூங்கொடி

உவமைத் தொகை

பூ போன்ற கொடி

தண்ணீர்த் தொட்டியில்

இரண்டாம் வேற்றுமை உருபும் பயனும் உடன் தொக்கத் தொகை

தண்ணீரை ஊற்றும் தொட்டி

குடிநீர் நிரப்பினாள்

இரண்டாம் வேற்றுமைத் தொகை

குடிநீரை நிரப்பினாள்

குறுவினா

1. சொற்றொடர் என்றால் என்ன? எ.கா. தருக.

சொற்கள் பல தொடர்ந்து நின்று பொருள் தரும்.

இது தொடர் அல்லது சொற்றொடர் எனப்படும்.

எ.கா: நீர் பருகினான்.

2. தொகைநிலைத் தொடர் என்றால் என்ன?

பெயர்ச் சொல்லும் வினைச்சொல்லும் சேரும் தொடர்.

இடையில் வேற்றுமை உருபுகளோ, வினை பண்பு முதலியவற்றின் உருபுகளோ மறைந்து வரும்.

இரண்டு அல்லது அதற்கு மேற்பட்ட சொற்கள் ஒரு சொல் போல் நிற்கும்.

எ.கா: கரும்பு தின்றான்.

3. தொகைநிலைத் தொடர் எத்தனை வகைப்படும்? அவை யாவை?

தொகைநிலைத் தொடர் ஆறு வகைப்படும். அவை:

• வேற்றுமைத்தொகை
• வினைத்தொகை
• பண்புத்தொகை
• உவமைத்தொகை
• உம்மைத்தொகை
• அன்மொழித்தொகை

 

4. வேற்றுமை உருபுகள் எத்தனை? அவை யாவை?

வேற்றுமை உருபுகள் ஆறு. அவை: ஐ, ஆல், கு, இன், அது, கண்.

5. வேற்றுமைத்தொகை என்றால் என்ன? எ.கா தருக.

ஒரு தொடரில் வேற்றுமை உருபுகளில் ஏதேனும் ஒன்று மறைந்து வந்து பொருள் தரும். எ.கா: மதுரை சென்றார் – மதுரைக்குச் சென்றார்.

6. உருபும் பயனும் உடன்தொக்கத் தொகை என்றால் என்ன? எ.கா. தருக.

ஒருஒரு தொடரில் வேற்றுமை உருபும் அதன் பொருளை விளக்கும் பயனும் சேர்ந்து மறைந்து வரும். எ.கா: தேர்ப்பாகன்.

தேரை ஓட்டும் பாகன். ஐ – உருபு; ஓட்டும் – பயன்.

இதுவும் வேற்றுமைத் தொகையே.

 

7. பண்புத்தொகையைச் சான்றுடன் விளக்குக.

அளவு, நிறம், வடிவம், சுவை ஆகியவற்றை உணர்த்தும்.

பண்புப்பெயருக்கும் அது தழுவி நிற்கும் பெயர்ச்சொல்லுக்கும். இடையில் ‘மை’ என்னும் பண்பு விகுதி மறைந்து வரும்.

ஆகிய, ஆன என்னும் பண்பு உருபுகள் மறைந்து வரும்.

எ.கா: செங்காந்தள், வட்டத்தொட்டி.

8. இருபெயரொட்டுப் பண்புத்தொகை என்றால் என்ன? சான்று தருக.

சிறப்புப் பெயர் முன்னும் பொதுப் பெயர் பின்னுமாக வரும்.

இடையில் ஆகிய என்னும் பண்பு உருபு தொக்கி வரும்.

எ.கா: மார்கழித் திங்கள்.

9. உவமைத்தொகை என்றால் என்ன? எடுத்துக்காட்டு தந்து விளக்குக.

உவமைக்கும் உவமேயத்திற்கும் இடையில் உவம உருபு மறைந்து வரும்.

எ.கா: மலர்க்கை . உவமை – மலர், உவமேயம் – கை, உவம உருபு – போன்ற.

மலர் போன்ற கை எனப் பொருள் படும்.

 

10. உம்மைத்தொகை என்றால் என்ன? சான்று தந்து விளக்குக.

இருசொற்களுக்கு இடையிலும் இறுதியிலும் ‘உம்’ என்னும் இடைச்சொல் மறைந்து வரும். எ.கா: தாய்சேய், அண்ண ன் தம்பி.

தாயும் சேயும், அண்ணனும் தம்பியும் என விரிந்து பொருளை உணர்த்துகின்றன.

11. அன்மொழித்தொகை என்றால் என்ன?

வேற்றுமை, வினை, பண்பு, உவமை, உம்மை ஆகிய தொகை நிலைத் தொடர்களில் அல்லாத வேறு சொற்கள் மறைந்து நின்று பொருள் தரும்.

எ.கா: முறுக்கு மீசை வந்தார்.

முறுக்கு மீசையை உடையவர் வந்தார் எனத் தொகை நிலைத்தொடர் அல்லாத வேறு சொல் மறைந்து நின்று பொருள் தருகிறது.

12. உம்மைத்தொகை எத்தனை அளவுப் பெயர்களைத் தொடர்ந்து வரும்? அவை யாவை?

உம்மைத்தொகை நான்கு அளவுப் பெயர்களைத் தொடர்ந்து வரும். அவை:

• எண்ண ல்
• நீட்டல்
• எடுத்தல்
• முகத்தல்

 

13. இடைச்சொல் மறைந்து வரும் தொகைச் சொற்கள் எவை?

• வேற்றுமைத் தொகை
• இருபெயரொட்டுப் பண்புத்தொகை
• வினைத்தொகை
• உவமைத்தொகை
• பண்புத்தொகை
• அன்மொழித்தொகை

14. வினைத்தொகையைச் சான்றுடன் விளக்குக.

காலம் கரந்த பெயரெச்சம். காலம் காட்டும். இடைநிலையும் பெயரெச்ச விகுதியும் மறைந்து நிற்கும். வினைப்பகுதியைத் தொடர்ந்து ஒரு பெயர் வந்து ஒரு சொல்லைப் போல் நடக்கும். எ.கா: வீசு தென்றல் என்பது, வீசிய தென்றல் வீசுகின்ற தென்றல் வீசும் தென்றல் என முக்காலத்திற்கும் பொருந்தும்.